1970. urtean ateak itxi zituzten Arano herriko eta Suro auzoko eskolek. Berrogeita bi urte pasa dira orduz geroztik herriko umeak Goizuetako eskolara joaten direla. Hasieran autobus haundiarekin etortzen ziren haur eta gaztetxoak jasotzera eta dena beteta bueltatzen zen Goizuetako plazara, baina pixkanaka kopurua jeisten joan zen urteetan zehar, ia bukatzeraino iritsiz.
Duela hamaika urte, berriz ere gorako joera hartzen hasi zen poliki-poliki eta gaur berriz esan dezakegu hogeita bi eserlekuko autobusaren hamabost betetzen direla.
Aurten, Maddi eta Araitz-i iritsi zaie eskolaratzeko txanda eta badira herrian beste txiki batzuk, oraindik eskolaratzeko garaia heldu ez zaienak.