Aurtengo denboraldiaren bukaera prestatu dute Goizuetako Iskibi kanpinean, eta urtero bezala, hainbat ekitaldi antolatuz egin dute. Ostiralean, esaterako, Irrifarrak filma ikusteko aukera izanen da 22:30etik aurrera. Nepalen, Everesteko bailaran egindako bidaiaren filma da.
Igandean, berriz, dagoeneko egutegian finkatua dagoen euskal jaia antolatu dute. 12:30ean toka txapelketa jokatuko dute. 14:00etan taloak jateko aukera izanen da, Goizuetako talogileeen eskutik. Horrez gain, egun osoan trikitilariak giroa alaitzeaz arduratuko dira. Txartelak Iskibi kanpinean edo Amaia kafetegian eros daitezke. Helduenak 16 eurotan daude eta haurrenak sei eurotan.