Urteroko hitzorduari ez zion hutsik egin Antonio Alustiza herritarrak eta oraingoan ere izugarrizko lan polita egin zuen Uharte Arakilen, abuztuaren 25ean jokatu zen Artzain Txakurren Lehiaketan. Bat eta Jai txakurrak izan zituen berekin eta maila ederra erakutsi zuten, lehenengo eta bigarren postuak lortuz, hurrenez hurren. Antonio eta Batek 256 punturekin lortu zuten garaipena. Garaikurra, txapela 200 euro eta artzantzako maletina eman zizkioten opari. Jairekin bigarren egin eta garaikurra eta 145 euro eskuratu zituen. Ez da nolanahiko marka, hamargarren aldiz segidan lortu baitu garaipena. Zorionak hirurei.
Bestalde, irailaren 1ean ospatzekoak ziren Aresoko VI.Mendi Martxa eta San Migeleko erromeria. Bi ekitaldi hauen inguruko xehetasunak datorren alean emango dizkizuegu.