Uztailaren 15an Karmen bezpera ospatuko dute aurten ere goizuetarrek, herri afaria eginez. Plazan mahaiak jarriko ditu udalak, baita ardoa eta sagardoa doan, eta herritarrek bere jatekoa eramango dute. Afaria arratseko 8:30ean hasi eta sua 9:30 aldera piztuko da.
Aspaldiko ohitura da Karmen bezperakoa Goizuetan, baina galdua zegoen, duela hiru urte udala, Umore Ona elkartea, gazteak eta hainbat herritarrek berreskuratu zuten arte.
San Juan bezperan gazteek Hernani edo Leitzarako joera dutela kontuan hartuz, Karmen bezperan pizten dituzte suak, saltoka ibiltzeko.