Kontseju tabernak bultzatuta, herritik Iruñeara irteera antolatu dute uztailaren 9rako. Egun horretan gauza ezberdinak daude aurreikusita Iruñean San Ferminetako egitarauaren barruan, besteak beste harrijasotzaileen Nafarroako Txapelketa, jota emanaldia eta haurrentzako jolasak.
Ideia honakoa da: goizean herrian entzierroa elkarrekin gosalduz ikusi eta ondoren autobusean Iruñearantz atera. Errotxapean gelditu eta eguartea libre bakoitzak nahi duena egiteko. Eguerdian elkarrekin bazkaldu eta ilunabarrean autobusez buelta berriro herrira. Iristean afari mokadu bat egin eta bakoitzak nahi duen bidea hartuko du hortik aurrera!
Irteera egitera animatzen denak kontsejun eman beharko du bere izena ekainaren 30erako beranduenez. Autobusa eta bazkaltzeko tokia lotzeko beharrezkoa baita hau egitea. Animatu!