Urtero legez Sanjuan bezperan herri afaria antolatuko da Udala eta Aurreraren artean. Ekainaren 23an plaza herritarrez beteko da afaria egiteko eta ondoren udako solstizioko suetan saltatuz, biziberritzeko. Mila lagun inguru biltzen dira urtero plazako afari horretan. Arratsaldean herriko gaztetxoek dantza saioa eginen dute eta opilak banatuko dira. Jubilatuek ere afaria eginen dute eta txartelak salgai jarriak dituzte 15 eurotan elkartean. Beraz aurtengoan ere giro ederrean joanen zaigu gau magiko hau.