Inaxio Perurena leitzarrak marka ahalegina eginen du igande honetan, ekainak 9. 303 kiloko harria altxatzen saiatuko da 29 urteko gaztea eta 13:00etan egin dute horretarako hitzordua. Ez da eguneko kirol saio bakarra izanen. Izan ere, Jon Rekondo eta Jon Irazu aizkoran lehian ariko dira eta horrez gain, Joseba Ostolaza eta Isaak Martinez harri altxatzen ariko dira.
Otsailean 300ekoa
Hilabete batzuk pasatu dira Inaxio Perurenak 300 kiloko harria altxatzea lortu zuenetik. Hiru saiakera eta lau urte pasatu zituen horretarako, baina otsailean 300 kiloko harriak jaso dituztenen zerrendan sartu zen, Iñaki aitarekin, Mieltxo Saralegi herritarrarekin eta Gibitegi gipuzkoarrarekin batera. Oraingoz, lau dira 300 kiloko harri errektangularra bizkar gainera igotzea lortu dutenak, eta horietatik hiru leitzarrak.