Alke Leitzako kultur Taldeak eta herriko eragileek elkarlanean maiatza-ekainean kultur aroa antolatu dute. Bertan musikak, hitzaldiak, artisautzak eta festak tokia izanen dute, asteburu honetan abiatuko den kultur egitarau zabalean.
Urteroko moduan herriko komertzio eta lantegiak, eta baita Kaxkabeltza komertzianten Elkarteak, Udalak, Aurrerak, guraso elkarteek, Atekabeltz Elkarteak, Torrea, Peritza eta Gaztañaga tabernek posible eginen dute XXXVI. Kultur Aroa aurrera egitea.
Maiatzaren 10an, larunbatean haurrekin sormen tailerra eta antzerkia eginen da Erleta eskolan, arratsaldeko 5etan hasita.
Maiatzaren 11n, igande eguerdian Gorritiko gazteluan elkartuko da jendea, eskualdeko oroimena berreskuratuz.
Maiatzaren 15an, 20:00etan liburutegian Aizkora apustuak eta txapelketen historia hitzaldia eskainiko da.
Maiatzaren 16an, Banka etikoa eta alternatiboa hitzaldia izanen da 20:00etan, Fiare bankaren Mikel Ortigosaren eskutik.
Maiatzaren 17an, 19:00etan zinean Aralar Musika Eskolakoen emanaldia eta 23:00etan Peritzan “Carlos Colina y los otros” kontzertua.
Maiatzaren 18an, larunbat goizeko 9etan mendi ibilaldia: Okabio-Areso-Leitza, Mendibil mendi taldearen eskutik. 20:00etan Hirutxulo folk taldearen kontzertua Gaztañagan.
Hauek, maiatzaren 19an, igande eguerdian ere joko dute leku berean. 12:00etan organo eta biolin kontzertua elizan, Igande arratsaldean 19:00etan Pottola antzerki lana zinean.
Maiatzaren 20an, 19:30ean Emakume baserritarren begiradak erakusketaren aurkezpena eta dastaketa izanen dira Udaleko aretoan (Josune Gorriti, EHNE). Maiatzaren 21ean, 20:00etan Elikadura subirotasuna hitzaldia Aurreran 20:00etan Ainara Urrizaren eskutik.
Maiatzaren 22an, 20:00etan Aurreran auzolanaz ariko da Jasone Mitxeltorena.
Maiatzaren 23an, 20:00etan Independentzia Nafarrorik gabe? Mahaiingurua Floren Aoiz, Txente Rekondo eta Anjel Rekalderekin.
Maiatzaren 24an, 17:00etan zinean Leitzako haurren dantza saioa. Ondoren, 23:00etan, La Jodedera taldearen kontzertuaTorren.
Maiatzaren 25ean, egun guztian Atekabeltz Eguna ospatuko da, eta gauean kontzertuak izanen dira. Jeiki abesbatzak 20:00etan karrapean kontzertua emanen du, Munduko folklorea gaiarekin.
Maiatzaren 26an eta 11etatik aurrera XXXV. Eskulangintza Azoka ospatuko da. Ondoren, ekainean, Kultur Aroko ekintza gehiago ere izanen dira eta hurrengoan emango dugu horren berri. Erakusketak izanen dira Aurreran eta Udaletxean.