Umore Ona elkarteak antolatzen duen Goizueta ezagutzen laugarren mendi buelta egin zuten apirilaren 28an. Nahiz eta asteburu guztian eguraldi kaxkarra izan, zortea lagun izan zuten Goizuetan eta igande goizean eguraldia portatu egin zen. 36 lagun bildu ziren mendi buelta egitera.
Plazatik abiatu eta Labeko borda, Petanxelaia, Etxolla, Txakurtxoko borda eta Kaleko bordan barrena, berriz ere herrira bueltatu ziren.
Maiatzean mendi bueltarekin atsedenalditxoa hartuko dute Goizuetan, maiatzaren 26an herri krossa antolatuko baitu Umore Onak.