Aurreko astean herriko biztanle batzuk abisua emanda lau gizon harrapatu dituzte butanoaren errebisioa pasatzearen aitzakiaz herritarrei iruzur egiten. Azkenean baina, Guardia Zibillak ezin izan zituzten atxilotu eta inongo zigorrik gabe alde egin zuten. Dirudienez herritarren etxeetara butanoaren errebisioak egitean ate joka ibili zirenean, etxe dexentetan errebisioa egin eta dirua kobratu zuten.Behin iruzurra eginda ordea Repsol butano enpresako langileak ez zirela konturatu ziren herritarrak eta Guardia Zibila etorri zen galderak eta paperak eskatzera. Hala ere, inolako diru bueltatzerik ez omen zuten lortu, dirua borondatez eman zutelako herritarrek eta hori ez omen da delitua. Gehienez 150 euroko isuna eta denuntzia jarri daiteke.
Horren harira aipatu orain oso nabaria omen den beste iruzur mota bat, argi kontadoreak aldatu beharra dagoela eta, hori aprobetxatuz, han hemenka omen dabiltzala iruzurgileak. Begiak erne eduki eta etxean sartu baino lehen ziurtatu ea enpresakoak diren edo ez, hau ez baita herrian horrelakorik gertatzen den lehen aldia.