674 litro ur jaso da ilbeltzean Luisenbordako neurrigailuan

Ilbeltz osoan 674,2 litro ur jaso da Luisenbordako neurrigailuan. Kopuru hori oso haundia da. Adibidez, lehengo urtean 291,5 litro jaso ziren garai berdinean eta urte osoan 2.164. Lurrak ia asetuak daude urez, euri pixko bat botatzen duenean dena gainetik joatea eragiten du honek. Kalteak ere izan dira, hainbeste eurik eraginda, Arkixkilen Abadeborda aldera doan bidea moztuta suertatu zen eta emergentziz ireki beharra izan zuen Udalak. 1.330 euro + BEZa  kosta zen lan hori egitea. Honetaz gainera,  Gorriz­taran auzoan eta Santa Kruzeko bidean ere izan dira erortza txikiak. Hala ere, haundiena Gaztainerretxabalgo erre­kazuloan izan da, Trukada eta Itzaidera doan bidea lau tokitan moztuz.