Urtarrilaren 11ko herri batzarrean hainbat gai interesgarri eta garrantzitsu jorratu zituzten. Alde batetik, herriko argitegian konsumo baxuko bonbilak probatzeko asmoa dagoela azaldu zuten, baita neguan egin behar diren erreketa, desbroze eta auzolanak aztertu ere.
2013ko tasak eta zergak ez dira igoko, baina egoera ekonomikoa txarra dela-eta, eta dirulaguntzak desagertu direla kontuan hartuta, aurten egingo diren inbertsioak hauek dira: Merkuko bidean euriteek eragindako kalteak, erorketak hain zuzen, moldatu eskollerak edo harri-lubetak eginez. Kasu honetan, Nafarroako Gobernuak inbertsioaren %55 ordainduko du. Ibiurtik herriraino oinezkoentzako bidea egokituko da, Plazaola natur bidearekin lotura egon dadin. Honetarako udalak %53ko dirulaguntza jasoko du Nafarroako Gobernutik. Etxebizitzaren proiektuak aurrera egingo balu, eta diru sarrerak handitu, beste inbertsio batzuk egingo lirateke.