Herriko txokoak eta bideak ezagutzeko helburuarekin, hilabetean behin mendi buelta bat antolatuko du Umore Ona elkarteak Goizueta ezagutzen izenburupean.
Dagoeneko bi mendi buelta zehaztuak dituzte. Lehenbizikoa, urtarrilaren 27an eginen dute. 2 eta 3 ordu bitarteko bidea izanen da eta goizeko 9:00etan aterako dira plazatik.
Ibilbidea: Herria- Muxulinborda-Nekuko hariztia-Kuxingo borda- Txamora berri-herria.
Bigarren ateraldia otsailaren 24an izanen da eta 3 ordu inguruko bidea eginen dute, 9:00etan plazatik abiatuta, Fermiñene, Sarran, Artantxu, Irolako borda, Biutako borda eta Attaborroko hariztian barna ibiliz, herrira bueltatzeko.