Herrira mugimenduak urteberritako egitaraua prestatu du. Ilbeltzaren 4an iluntzeko sei terdietan, eskualdean kotxe karabana antolatu du, Arribeko plazatik abiatu eta Araitztik igaroz Lekunberrira, ondoren Leitzara eta azkenik Areson bukatuko da karabanaren ibilaldia. Ilbeltzaren 5ean erregebezpera gauan, Atekabeltzen elkartasun afaria izanen da. Hauetaz gain, ilbeltzaren 12an Bilbon izanen den manifestaziorako autobusak izanen dira. Ilbeltzaren 11 arte eman daiteke izena.