Frankismoko ikurrak kentzeko prozedurak jarri ditu abian udalak. Herrian eta baita Nafarroa osoan ere, frankismoko ikurrak ugariak dira oraindik, eta horrek «frankismoko arduradunek eduki duten zigorgabetasun osoa gogora ekartzen» dutela ikusita hartu dute erabakia abenduaren 7ko batzarrean, Bilduren aldeko botoekin.
Nafarroako Gobernuko Landa Garapen, Ingurumen eta Toki Administrazioaren Departamentuari, Gobernuaren Ordezkaritzari eta Artzapezpikutzari luzatuko diete Nafarroako herri eta administrazio guztietatan eta Nafarroako Foru Aldundiaren eraikinean dauden ikurrak kentzeko eskaria. Udaleko zerbitzu juridikoari ere beharrezko urratsak emateko eskatu diote. Herritarrei ere laguntza eskatu diete, Leitzan dauden frankismoaren ikurren kokapenaren berri emanez lagundu dezaten.
Honetaz gain , etxeak desjabetzearen aurkako mozioa eta Palestinar herriarekin elkartasuna adierazten zituzten mozioak ere aurrera atera ziren.