Aresoko Udalak eta Andoaingo Burdina Taldeak, herriko ondare historikoa berreskuratzeko lanean ari dira. Horren harira, auzolanerako deia egin dute, abenduaren 15erako, larunbaterako. Goizeko 8:30ean Plaza Zaharrean elkartu eta Olazarko zubia eta inguruak garbitzera joanen dira. Parte hartuko dutenei aldez aurretik izena ematea eskatzen zaie, aseguruak egin eta ondoren eginen duten bazkarian zenbat jende egonen den jakiteko.