Iñaxi Perurena harri jasotzaileak bere marka hobetzeko saiakera eginen du datorren igandean, azaroaren 25ean. Leitzako Amazabal pilotalekuan, 12:30ean hasiko da jaialdia. Leitzarrak 5 minutuko saioa egingo du 300 kiloko harri koadroarekin.
Perurenaren saiakeraz gain, erakustaldiak ere izango dira. Eneko Saralegi aizkorarekin ariko da, altueran, bikoteka, Arkaitz Olano eta Jon Rekondo Ruben Saralegi eta Mikel Larrañagaren aurka ariko dira, eta Josetxo Urrutia, berriz harri jasotzen.