Lehenbiziko asteburuetako jubilatuen eguna, DVD emanaldi eta umeentzako ginkana eta berenduen ondotik, Azaroko Kulturaldiko egunik indartsuenak heldu zaizkigu. Larunbat honetan, azaroaren 17an, Umore Ona Elkartearen Eguna ospatuko da eta egoitzaren beheko solairuan egindako obren inaugurazioa ere eginen da. Bezperan, ostiralean 19:00etan Hego Amerikako argazki emanaldia eskainiko du Unai Bakerok Ganbaran. Azaroaren 23an, ostiralarekin, 19:30ean bertso musikatuak eskainiko dituzte Estangak eta Luzek ganbaran. Eta azaroaren 24an, Feria Egunarekin borobilduko dira azaroko kultur egunak.