Iaz bezala herriko hainbat talde elkartu dira abenduan Euskararen Eguna antolatzeko asmotan, eta aurten eguna aldatzea erabaki dute. Horrela, aurten abenduaren 1ean, larunbatean ospatuko da. Hala ere, abenduaren 3rako zerbait egiteko asmotan dira, euskararen egun ofiziala errespetatuz. Oraindik ez da egitaraua osatu eta aurrerago idatziko dugu programa, oraingoz baserritarrez jantzi beharko dela aurreratu dute eta herriko ondarearen argazkiak prestatzen joateko deialdia egin dute.