Urriko azken larunbatean, ordu aldaketarekin batera, herriko emakumeek egiteko ohitura duten afari bat izan zuten herriko elkartean.
Beti bezala Mari Esterrek prestatu zuen afaria eta menua ere urterokoa izan zuten. Onttoz egindako krepak, oilaskoa txanpainaren laguntzarekin eta tarta postrerako. Jarraian, kartak mahai gainera atera eta musean eta beste karta jokuetan aritu ziren. Musean Aurorak eta Marijok irabazi zieten finalean aurkari izan zituzten Ixiar eta Evari.
26 urte inguru daramatzatela kalkulatu zuten noiztik elkartzen ote ziren norbaitek galdetu zuenean, eta beste horrenbestez ere gutxienez segi dezatela, aizue! Hurrengo urtean berriz!