Argazki lehiaketa antolatu da herriko ondareak berreskuratzeko asmotan. Areson ezezagunak diren herriko ondareak aurkitu nahi ditu udalak, hau da, herritar batzuk ezagutu ditzaketen arren, orokorrean ez dakizkigunak. Horretarako argazki lehiaketa martxan jarri da, eta hiru gai daude argazkiak ateratzeko: Ondare naturala izatea, ondare arkitektoniko edo historikoa izatea eta herriko paisaiak.
Parte hartzaileek irizpide hauek bete beharko dituzte; alde batetik pertsona bakoitzak bost argazki aurkeztu beharko ditu eta gutxienez gai bakoitzetik argazki bana egon beharko du. Bestalde argazkiak Aresokoak izan behar dute, edo Areso ingurukoak, herri gunetik oinez joateko distantzi batean ateratakoak.
Azaroaren 26 arteko epea dago argazkiak atera eta udalera bidaltzeko, udaletxeko korreoa bidali beharko dira hain zuzen. Argazkiak Euskararen Egunean ikusgai egongo dira eta bertan aukeratuko da argazki irabazlea, saria ere izango da beraz hasi kamerak astintzen!