Aurreko atalean, hainbat ikastaroren berri eman genizuen, eta oraingoan eskolako umeen eskolaz kanpoko ekintzei buruz ariko gara; alde batetik txikienak psikomotrizitatean hasi dira ostiraletan 16:30etik 17:30era. Horretaz gain pandero eta trikitixa ikastaroahasi da berriro ere, herriko gaztea den Gorka Arraiagok erakusten du eta dagoeneko edozein ordutan hasiak gara trikitixa soinuak entzuten herrian, nonbait ikasitakoa praktikan jartzen hasi dira umeak! Gustora ari diren seinale! Beste ekintza bat ere martxan jarri da, herriko jostun jubilatua den Juany Arbillagaren eskutik, eta honek nahi duten neska eta mutilei jostorratza eta josteko makinaren berri eman eta josten erakusten die, hau ere iaz hasitako lana da eta gainera musutruk egiten du asteazken arratsaldetan.
Aipatu iaz multikirola ere bazegoela baina aurten ez da talderik osatu.