Aurreko alean aipatu genuen moduan, lanean hasia da ikasturte berrian Gazte Txokoa. 12 eta 16 urteko gazteak ari dira dagoeneko ping-pong txapelketan eta beste jokoak eta ekitaldiak ere prestatzeko gogoz hasi dira. Horren erakusgarri, azaroaren 4rako antolatu duten mendi ateraldia. Igande horretan, eguraldiak laguntzen badu, goizeko 10:00etan abiatuko dira plazatik eta bi ordu inguruko itzuli erraxa eginen dute, edozein herritarrek egiteko modukoa.