Antonio Alustizak eta Ttiki txakurrak bikote paregabea osatzen dute eta horrela erakutsi dute berriz ere, batak aginduak eman eta besteak ederki burutuz .Irailean 23an Oñatin erakustaldi ederra eman zuten, Nazioarteko txapela hirugarren aldiz lortuz. Ez zuten oso egun ona izan,haizea eta beroa egiten baitzuen, baina hori ez zen aitzakia izan eta elkarlan ederra egin zuten; lehen frogan lehenak suertatu ziren eta bigarrenean ere lan bikaina egin zuten, txapel famatua irabaziz. Badirudi Nafarroako Txapelketan ez dutela areriorik 9 aldiz txapeldun izan baitira,eta era berean Oñatiko txapelketa handian ere indarra hartzen ari dira.