Ikasturte berria hasi da Nazabal eskolan eta aurten hiru ikasle berri dira: Andrea, Aimar eta Aratz. Beraiekin batera, guztira 24 ikasle daude, iaz baino bat gehiago. Haur Hezkuntzan hamaika ikasle dira eta Lehen Hezkuntzan daude gainerako hamahiruak. Ea bada lana gogoz egin eta asko ikasten duten!
Nafarroako Gobernuak hezkuntzan egin dituen murrizketen ondorioa ere somatu dute herriko eskolan. Irakasleek ordu lektibo gehiago dituzte eta beraz, zaintzak egiterako ez dute inor ordezkatzeko eta ondorioz taldeak elkartu beharrean egongo dira.