Kultur Taldeak antolatutako logo lehiaketak badu irabazlea: Itsaso Lujanbioren lana da, beheko irudian ageri dena. Bere logoak irudikatuko ditu hemendik aurrera herriko jarduerak eta jendeak irudi honen bidez ezagutuko du Goizueta.
Herriko zubi haundia irudikatu du Itsasok, bere hitzetan, «Goizuetaren iragana eta oraina errepresentatzeko historia duen zubi ezagun, erakargarri eta gustagarria». Logotipoa «sinplea» da Itsasoren ustez, «begietatik sartzen dena eta gogoratzeko erraza dena». Bi kolore erabili ditu: beltza «formaltasuna eta dotorezia emateko» eta berdea «kolore bixia, indarra emateko, monotoniarekin puskatzeko eta irudia bera bixitzeko. Naturarekin lotura emanez, berdea aukeratu dut, Goizuetak duen inguru berdea altxor bat baita guretzat». Gisa berean, trazua «dinamikoa» izan dadin saiatu dela azaldu digu, «irudiari dibertsio puntua emanez».
Herri mailan egindako lehiaketa izan da eta sari gisa, Itsasok 150 euroko bonoa eskuratu du herrian gastatzeko. Momentuan, ordea, ez dugu herrian barna ikusi eta hemen zoriontzeko aukerarik izanen, Peru aldera joana baita ikasketak egitera eta han izanen delako urtarrilera arte. Ongi ibili!
LOGOA
«Logoan, herriko zubi haundia irudikatu dut, Goizuetaren iragana eta oraina errepresentatzeko historia duen zubi ezagun, erakargarri eta gustagarria»
Itsaso LUJANBIO
Logoaren egilea