Arano, Areso, Ezkurra, Goizueta eta Leitzako nekazariek Leitzan dute beraien jardueran beharrezko gestioak egiteko aukera, bertako udaletxean baitu bulegoa Nekazaritza Ganbarak. Hor lanean zebilen langilea, ordea, duela hilabete batzuk erretiratu zen eta orain Irurtzungo langilea etortzen da asteazkenetan ordu batzuetarako.
Aranon eta inguruetan nekazaritzak eta abeltzaintzak duten garrantzia ikusirik eta gure herriko nekazarien zerbitzua murriztua gera ez dadin, Udalak abuztuaren 30ean egindako batzarrean mozio bat aurrera atera zuen. Mozio horren bidez, Nafarroako Gobernuari, Nekazaritza Ganbararen zerbitzua bere osotasunean mantentzea eskatu zaio eta Leitzako bulegoan langile bat lanaldi osoan aritzea.