Aurten, astelehenarekin, 13an, gauza berezi bat ere izan genuen herrian proba moduan, gure inguruak airez ezagutzeko aukera bikaina, hain zuzen. Helikoktero bat ibili zen inguruarteko zelaiko helipuertotik itzuliak eginez. 10:00etatik 19:00 arte gelditu gabe ibili zen eta 70etik gora bezero izan zituen hegaldietan. Aitzol Apalantza gidariaren eskutik eskaini zen zerbitzua eta Udalak behar zituen baimenak eta gestioak egin zituen. Hiru lagunekin hamar minutuko hegaldiak egin zituen 60 euroko prezioarekin. Aurrerantzean berriz horrelako ekintzarik eginen duten ikusiko dute orain.