Bi lagun zauritu dira bart ilunabarrean Hernani eta Goizueta arteko NA-4150 errepidean izandako istripuan. Nafarroako Gobernuak jakinarazi duenez, Larrialdi Zerbitzuek atzo 20:04 aldera jaso zuten deia, motozikleta batean zihoazen bi lagun erori zirela erranez.
Istripua gertatu zen lekura Goizuetako boluntarioen anbulantzia eta Leitzatik joandako bertze bat hurbildu ziren, eta hauek arduratu ziren zaurituak, pronostiko erreserbatuarekin, Donostiako ospitalera eramateaz.