Abuztuaren 14an, astearteko pesta bezperako ekitaldiekin hasiko dira Aresoko pestak. 17:00etan haurrentzat merienda izango da plazan, guraso elkarteak antolatuta. 18:00etan Etxafuegoa botako da udaletxetik, pestei hasiera emanez. 18:30ean Jokuak, guraso elkarteak antolatuta. 19:30eran Patata tortilla lehiaketa. 21:00etan herri afaria. 23:30ean mus txapelketa herrikoia jokatuko da udaletxean.
Amabirjin eguna
Abuztuaren 15ean, asteazkenean, Amabirjinaren egun handia ospatuko dute Areson ere. 09:30ean diana joko dute. 11:00etan Meza Nagusia. Ondoren, hamaiketakoa eskainiko du udalak plazan. 12:30ean Haurraren ingurutxoa. 13:00etan pilota partida jokatuko da. 18:30ean aizkolariak ariko dira. Ondoren Ingurutxoa dantzatuko da. 20:00etan Akordeoi kontzertua, Xabi Olazabal eta bere lagunek eskainia. 23:00etan dantzaldia Ohiana eta Oihana aurtiztarrekin.
Umeen Eguna ostegunean
Abuztuaren 16an, ostegunean, umeen eguna ospatuko da. 09:30ean diana joko da. 11:00etan Puzgarriak. 13:00etan gaztetxoen arteko pilota partidak jokatuko dituzte. 16:00etan plater tiraketa herrikoia, Usoa elkarteak antolatua. 17:00etan Antzerkia, Patata Tropikalaren eskutik. 18:00etan Haurren txapel tiraketa. 18:30ean Umeen arteko pilota partida jokatuko da: Aimar-Hegoi, Julen-Aitorren aurka. Trikitixa emanaldia izano da segidan. Ondoren, musika Gorka eta Leireren eskutik. 21:30ean Herri afaria, Guraso elkarteak antolatuta. Ondoren musika, herriko gazteen eskutik.
Kuadrillen eguna ostiralean
Abuztuaren 17an, ostiralean, kuadrillen eguna ospatuko dute. 09:30ean diana joko da. 10:00etan Kuadrilen arteko apustua. 11:00etan Kalejira Jaiak txarangarekin. Hamaiketakoa jarriko dute kuadrilek. 15:00etan Paellada kuadrila guztientzat. 17:30ean Kuadrilen arteko jokuak. 19:00etan asto lasterketa. 21:30ean bokadilo jana. 23:00etan dantzaldia Ingo al deu taldearekin.
Herri bazkariaren eguna larunbatean
Abuztuaren 18a, larunbata, herri bazkariaren eguna izango da. Egunero bezala, 09:30ean diana joko dute. 14:00etan bazkaria. Ondoren sari banaketa. 18:00etan Julio Soto, Andoni Egaña, Beñat Gaztelumendi eta Amets Arzallus bertsolariak arituko dira kantari. 19:30ean sagardo dastaketa, sardina eta txistorrekin. 23:00etan dantzaldia Gugaz taldearekin eta DJ Imanolekin.