Udan murgilduta gaudelarik festa usaina antzematen da. Alde batetik, festetako programari azken ukituak ematen ari da Udala eta beste aldetik, berriz, herriko langileak herri guztia apaintzen eta txukuntzen dabiltza.
Umeak, beren aldetik, goizetan ludoteka saioetara hurbiltzen dira eta arratsaldez Ingurutxo entsaioetara.
Bestalde, erreka garbitzeko auzolanerako deia egin die Udalak herritar guztiei. Oraingoan, Matxain errekaren ordua izanen da, duela urte batzuk Astomela garbitzeko saioa egin baitzen.