Lehengo alean aipatu bezala, uztailaren 6tik aurrera Mendialdea Mankomunitateko langileak herriko eta baserrietako biztanleak bisitatzen ari dira etxez-etxe. Ekimen honekin zaborren birziklapenean jendea sentsibilizatu nahi da, modu zuzen batean bereizteak nolako garrantzia duen erakusteko.
Beste aldetik, hamabots konpostadora ekarri berri ditu Mankomunitatean banatzeko, hauetatik sei Leitzan. Aipatu, lehengo urteko kanpainan 107 banatu zituztela eta horietatik 44 Leitzan. Honekin etxeko konposta bultzatu nahi da. Formazio kanpaina eginen dute Nafarroako Hondakinen Partzuergoko teknikariek konposta nola egin erakusteko.