Elkartasuna eta kirola uztartuz, Saharari elkartasuna adierazteko ekimena burutu zuen Saharar Herriarekiko Elkartasun Taldeak larunbat arratsaldean Leitzako udaletxeko karrapean: indoor bizikleta topaketa.
Ruben Kaballero, Nerea Gartzia, Angel Serrano eta Buxy Kortajarena izan ziren monitoreak, Sahararen aldeko pedalkadak gidatzen eta jende ugari bildu zen, kirol pixko bat eginez Saharari elkartasuna adierazteko asmoarekin.
Leitza, Billabona eta Asteasuko kiroldegiak dira saio honen babesleak, baita Leitzako udala ere. Topaketa honen helburua, Sahara herriari elkartasuna adieraztea eta topaketetan lortu den diruarekin urte guztiak sahara eta saharrarrekin zerikusia duten ekintzak antolatzea da.