Aimar Olaizolak bezala, profesionaletan hamar txapel irabaziko dituen beste goizuetarrik izanen den ala ez ez dakigu, baina herriko pilotari gaztetxoak fin dabiltzala, hori bai baiezta daitekeela. Bi final jokatu zituen Iker Salaberriak ekainaren 24an. Lehena Errenterian, Alberdi azpeitiarra lagun zuela, eta 18-15eko emaitzarekin galdu zuten. Eguneko beste partida bi orduren buruan jokatu zuen Salaberriak Lizarran, argazkian ageri den Burlatako Josu Eskirozekin bikotea osatuz. Aldi honetan, 18-1 irabazi zuten Gipuzkoako bikotearen kontra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun