Birziklapenaren garrantziaz herritarrak sentsibilizateko kanpaina eginen du Mendialdea Mankomunitateak Arano, Areso, Goizueta eta Leitzan. Hala, uztaileko hilabetean langileak etxez-etxe ibiliko dira hondakinen bereizketari buruzko azalpenak emanez eta galdera batzuk eginez. Goiz-arratsaldez ibiliko dira, 09:30etik 13:30era eta 15:00etatik 18:00etara. Mankomunitatetik adierazi dutenez, jendearen harrera ona espero dute.