Nafarroako Gobernuko Kultura, Turismo eta Harreman Instituzionalen aholkularia, Juan Luis Sanchez de Muniáin Lacasiak, eta Turismo eta Harreman Instituzionalen Zuzendari Orokorra den Carlos Erce Eguaras-ek Plazaola bisitatu dute.
Natur Bidea bisitatzeko asmoz, pasa den ortziralean, ekainaren 8an goizeko 9:30etan Leitzako Plazaola geltokian bildu ziren Kultura, Turismo eta Harreman Insitituzionalen Aholkularia den Juan Luis Sanchez de Muniáin; Turismo eta Harreman Instituzionalen Zuzendari Orokorra, Carlos Erce; Leitza Udaleko ordezkariak eta Plazaolako Presidentea eta Kudeatzailea.
Lekunberriko geltokirako bidean, pasa den urtean berreskuratutako Uitziko Tunelari arreta berezia eskaini zioten –bere berreskurapenerako 1.390.000ko inbertsioa egin behar izan zen eta horietatik 835.000 Nafarroako Gobernutik etorri ziren-. Lekunberriko Geltokira iristean, bertako instalazioak bisitatu zituzten (Turismo bulegoa, jokuen bagoia, erakusketa ibilkaria, Kantina, bizikleten alokairua....).
Larraungo udaletxeko ordezkaria ere batu zen eta bilera labur bat ere egin zuten ondoren. Horretan, Partzuergoak egun lantzen ari dituen proiektuei buruz informatzeaz gain, Irurtzun- Iruñeako zatia berreskuratzeko Gobernuaren inplikazioaren beharra azpimarratu zuen.
Sánchez de Muniáin aholkulariak Leitzako geralekuaren egoerarengatik eta horren instalazioak Natur Biderako egokitzeagatik, aurrekontuen egoerak ahalbidetzen duenean, interes haundia erakutsi zuen.
Ondoren 100 urte bete dituen Ayestaran hotelaren ospakizunera abiatu ziren.