Euskal Herriko III. Historia Biltzarra eginen da irailaren 7, 8 eta 9an. Iruñean eta hiru herritan antolatzen ari dira: Arrasaten, Agoitzen eta Leitzan. Leitzako gaia gaizkileen muga izanen da, hau da, muga honetan izan ziren liskarrak aztertuko dituzte, zergatiak, gertaerak eta abar. Biltzarra Nabarralde kultur erakundeak antolatua da Leitza eta inguruko udalen laguntzarekin.
Biltzar osoan parte hartu nahi duenak Nabarralden eman behar du izena eta Leitzako saiorako ALKE kultur taldeko e-postara zuzendu behar da (alke@leitzakultura.net) edo kultur taldeko kideengana joan. Ostiral honetan, ekainak 1, zabalduko da izena emateko epea eta sarrerak agortu arte edo bestela, irailaren 3ra arte egonen da salgai. Biltzar osorako prezioa 60 eurokoa da eta Leitzako saiorako 20 euro.