Maiatzaren 12an jokatu zuten Umore-Onakoek play-offetako finalerdia Tolosan. Nahiz eta kanpoan jokatu, etxean bezala sentitu ziren, 50 lagun inguru joan baitziren herritarrak animatzera. Partida hasi aurretik, opari txiki bat eman nahi izan zioten taldekide baten amona eta Umore-Onaren zale amorratua den Doloresi. Partida oso gogorra izan zen, eta penaltietara ailegatzear ere egon ziren. Azkenean, ordea, 5-6 galdu zuten. Galdu bai, baina tristura ez zen hainbesterainokoa izan, denboraldi hasieran jarritako helburua lortua baitzuten play-offetarako sailkatuta. Partida amaieran eskerrak eman nahi izan zizkieten zaleei emandako laguntza eta animoengatik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun