Leitza ala Areso. Jon Jaunarena ala Mikel Olazabal. Hurbileko bi herri eta bi pilotari gazte aurrez aurre, baina txapel bakarra zegoen jokoan, eta azkenean, Leitzara joan da. Jon Jaunarenak irabazi du Eskuz Binakako bigarren mailako pilota txapelketa Cecilio lagun duela, eta honenbestez, profesionaletako bere lehendabiziko txapela lortu du, 2010eko abenduan debutatu zuenetik hamasei hilabetera.
Apirilaren 28an jokatu zen bigarren mailako finala Iruñeko Labrit pilotalekuan eta txapelketan hiru alditan aurrez aurre izan diren Mikel Olazabal aresoarra eta Larrinaga bizkaitarra izan zituzten aurkari Jaunarenak eta Ceciliok. Leitzarra eta errioxarra ziren faboritoak, txapelketako aurreko bi partidetan ere irabazi egin zutelako, eta finalean ere ez zuten hutsik egin, 22-14ko markagailuarekin irabazi baitzuten. Partida hasiera nahiko orekatua izan bazen ere, gerora, leitza-rra eta errioxarra gailendu ziren.
Txapela familiari, lagunei eta neska-lagunari eskaini zion Jaunarenak.