Nafarroako konkistaren 500. urteurrena dela eta, herrian hitzaldia eskaini zuen Nabarraldeko kide den Anjel Rekaldek. Nahiko jende gerturatu zen eta bildutakoak oso gustora sentitu ziren, gai aberasgarria eta ezezaguna baitzen askorentzako. Udaletxearen beheko solairuan, aretoan, panel batzuk ere jarri zituzten konkistaren etapak azalduz, eta oraindik ere ikusgai daude.