Urtero moduan, DBH3ko ikasleek ikas-bidaia egiteko dirulaguntzaren truke, auzolanak eginen dituzte herrian. Hainbat mendi eta bide bazterretatik garbiketak egin eta zaborrak jaso eta erretiratuko dituzte. Honekin Udalak biztanleak kontzientziatu nahi ditu, mendietan garbitzailerik ez baita aritzen eta guztion artean mantendu behar baititugu txukunak gure inguruak.