Ibilbideak, tren txutxua, artisauen merkatua, zozketak, musika, animazioa... Horiek izanen dira, besteak beste, igande honetan, maiatzak 6, Lekunberrin ospatuko den Natur Bideen Egunean. Plazaola Partzuergo Turistikoak antolatu du, aldi honetan, Lekunberriko Udalaren laguntzarekin.
• 09:00etatik aurrera, familia eta helduen irteera eginen da Leitzako geltokitik abiatuta. Leitzako geltokitik Lekunberriko geltokira bitarte 15 kilometro egiteko aukera izanen da.
• 10:00etatik aurrera, Lekunberriko geltokitik abiatuta, Uitziko tunelera joan eta etortzeko 10 kilometroak egiteko aukera izanen da.
• 11:30an haurren irteera eginen da, animazioarekin. Lekunberriko geltokitik Mugirora joan-etorria eginen dute, guztira 4 kilometro.
• 12:00etatik 14:00etara artisauen merkatua, luntxa, Plazaolako ikus-entzunezkoaren proiekzioa, musika, zozketak eta abar izanen dira Lekunberriko Plazaolako geltokian. Ibilbideetan parte hartzeko, igandean berean eman beharko da izena, Leitzako geltokian 08:45etik aurrera eta Lekunberrikoan 09:30etik aurrera heldu eta familien ibilbiderako eta 11:00etan haurren ibilbiderako.
Tren txutxuak, berriz, hainbat ibilbide eginen ditu: 10:00etan eta 12:00etan Leitzako geltokitik Lekunberrikora joanen da eta 11:00etan Lekunberriko geltokitik Leitzakora joanen da. 13:00etatik 14:00etara Lekunberriko geltokitik Lekunberriko herrira joan-etorriak eginen ditu. Tren txutxura igotzeko ezinbestekoa da ostirala, maiatzak 4, baino lehen izena ematea: plazaola@plazaola.org edo 948 507205.