Krisia dela eta, argindar kontsumoak behera egin du eta Hego Euskal Herrian abiatutako goi tentsioko linearen bi proiektu bertan behera uztea erabaki du Espainiako Gobernuak. Egitasmo horietako bat, hain zuzen, gure ingurutik pasatzea aurreikusia zen: Castejondik Ezkiorako bidean, Erasote auzotik Guratz zeharkatuz Aresora. Orain, ordea, Gobernuak ez omen du baimenik emanen linea horiek egiteko, planifikazio berria egin eta beharrezkoak direla baieztatu arte. Bi egitasmo hauen bultzatzailea den REE Red Electrica de España enpresak ekainaren 30erako egin beharko du txostena eta ondotik ikusiko da zer erabakitzen duten Madrilen.