Duela pare bat urte ere berri hau idatzi genuen TTIPI-TTAPAn, eta orduan ere eguraldia izan genuen etsai. Sekulako zaparradak bota zituen eta bertan behera gelditu zen mendi buelta. Aurten berriro hartu nahi dugu ideia eta horretarako, Aste Santua pasata, apirilaren 21ean, goizean, 08:30ean geldituko gara herriko plazatik ateratzeko.
Lehenengo kalbarioa Juan Donostiakoa izanen da. Hortik Arrinabarretako kalbariora, Beltsoko itxolako kalbariora gero, Gaartzako kalbariora eta bukatzeko, Ipiñar-sasiko kalbariora iritsiko gara. Euntzingo harria ere bisita daiteke, batzuk ezagutzen ez badute ere, eta gero, herrira buelta.
Garai batean egiten zen bezala, gosaria ere egingo dugu tartean. Gosari hau Sooluxen eginen da. Animatu etortzera!