Gauza jakina da Aranoko festak, giro onarekin tokatuz gero, herrikoiak eta ederki gozatzekoak izaten direla. Horko herri kirolak, pelota partidak eta bertso saioak plaza polita biltzen dute urtero. Ez da horrela izaten, ordea, eguraldiak laguntzen ez duenean. Gabeziak ditu Aranok arazo horri aurre egiteko eta konponbidea, berriz, ez hain erraza gaurko egoera ezagututa.
Aurten, festen batzordeak gaiari aurre egin nahi dio eta horretarako lanean hasia da dagoeneko. Festak nola tokatzen diren ikusita (Santio eguna asteazkena da), programazioa ongi pentsatu behar da eta dagoeneko ideia on batzuk darabilzkigu buruan. Baina festak hobetzeko, antolaketan egin behar dira aurreneko saiakerak eta hurrengo bilera herri guztiari zabaltzea da ideia. Eguna eta ordua jarritakoan jakinaraziko dizuegu.