San Roke elkarteko urteko bilera martxoaren 10ean egin zen 46 bazkiderekin. Nabarmentzeko moduko berria ere egon zen: orain dagoen zuzendaritzak 15 urte beteko ditu aurtengoarekin eta hurrengo urterako zuzendaritza berria osatzeko eskatu zuten. Bilera ondoren, Josebak prestatutako afarira jende asko gelditu zen.
Hormaren ondorioak
Otsaileko hormak ondorioak utzi zituen ur sarean. Sei ur jario antzeman ziren, hauetatik bi handiak. Udalak kontratatutako Bizkaiko enpresa batek eta herritar batzuek aurkitu zituzten isuriak, eguneko 114.000 litroko jarioa sortuz. Konponketak orain aste pare bat egin ziren.