Emakumeen Batzordea osatu nahi da herrian eta horretarako, eskualdeko berdintasun teknikaria hariak mugitzen hasi da. Lehen hitzordua ostiral honetan, martxoak 9, izango da, 19:00etan udaletxe gaineko solairuan.
Hitzordu horretan Aresoko emakumezkoen formakuntza maila, interesak eta beharrak ezagutzeko batzarra egin nahi da, alde batetik, egungo egoeraren berri izateko eta bestetik, dauden beharrei erantzuna ematen hasteko plangintza osatzeko oinarriak ezartzeko.
Lan ildo hauek jorratu, azaldu eta denen iritzia jaso ahal izateko ostiral honetarako antolatu den batzarrean parte hartzera gonbidatuta daude herriko emakumezko guzti-guztiak.