Bi arrazoi baditugu aurtengo inauteriak historikoak izan direla esateko. Herri guztiari buelta eman ondoren, inortxok ere ez omen zuen halako inauteri egun hotzik ezagutu. Ez da harritzekoa. Zazpi gradu zero azpiko tenperaturarekin abiatu ziren zomorroak Surotik eta herrira iristerako ez zen giroa asko berotu. Hala ere, umore ederrean egin zen puska biltzea.
Historikoa izan zen beste kontua zahagi dantza izan zen. Hasiera batean, dantzari guztiak gizonezkoak izaten ziren, baita atsoa eta agurea pertsonaiak antzezten zituztenak ere. Urte asko dira, ordea, neskak dantzari lanetan hasi zirela. Aurtengoan, antzerkia egiten bi emakumezko izan ditugu. Maitane Sarobe eta Maitane Legarreta. Bi emakumezko lehen aldiz, zahagi dantzako pertsonaia moduan. Bejondeizuela!