Lerro hauek irakurtzerako, mozorro saltsa azken txanpan sartua izanen da. Izan ere, joan den larunbateko kaldereroen kalejira, igandeko Zahagi Dantza, eta astelehen eta astearteiñoteko mozorroen joan-etorriak pasatuta, larunbat honetan kontuak egitea baino ez da gelditzen.
Larunbat honetan, hilak 25, eginen ditu kontuak Mozorroen Taldeak. Azken urteotan bezala, 14:00etan bazkaria eginen du eta ondotik, poteo musikatua izanen da herrian barna.
Larunbatekoaren ondotik, beste urtebetez egon beharko dugu hain eroak diren egunak ailegatzeko zain.