Eusko Label Binakako Aizkora Txapelketak aurrera segitzen du, eta bi kanporaketa Leitzan jokatuko dira ostiral honetan, otsailak 10. Zilarrezko eta gaztetxoen kategoriako bi kanporaketa jokatuko dira. Alde batetik, Ruben Saralegi eta Arkaitz Olano, Jon Irazu eta Mikel Lasaren kontra ariko dira. Bestetik, berriz, Iker Vicente eta Mikel Olanok, Eneko Saralegi eta Julen Larrea izanen dituzte aurkari. Lehia 19:30ean hasiko da Amazabal pilotalekuan.